கிரேட்டர் நொய்டாவில் உள்ள ஒரு கிராமத்தைச் சேர்ந்த ஒரு நபர் இந்த வார தொடக்கத்தில் செகந்திராபாத்தைச் சேர்ந்த பெண்ணை திருமணம் செய்து கொண்டார். திருமணத்தன்று இரவு அந்தப் பெண் வயிற்றுவலி என்று புகார் சொல்லத் தொடங்கும் வரை எல்லாம் நன்றாகவே போய்க்கொண்டிருந்தது. அவர் உடனடியாக அருகில் உள்ள மருத்துவமனைக்கு கொண்டு செல்லப்பட்டார், அங்கு டாக்டர்கள் அவரது கணவர் மற்றும் மாமியார்களிடம் புதிதாக திருமணமான பெண் ஏழு மாத கர்ப்பமாக இருப்பதாக தெரிவித்தனர். ஒரு நாள் கழித்து அந்த பெண்ணுக்கு பெண் குழந்தை பிறந்தது.
அவள் கர்ப்பமாக இருப்பது குறித்த பெண்ணின் குடும்பத்தினருக்குத் தெரியும். ஆனால் அதை மணமகன் மற்றும் அவரது குடும்பத்தினரிடம் இருந்து மறைத்தார். ஜூன் 26 திங்கட்கிழமை திருமணம் நடந்தது.
அந்த பெண்ணுக்கு சமீபத்தில் கல் அகற்றும் அறுவை சிகிச்சை நடந்ததாகவும், அதனால்தான் அவரது வயிறு வீங்கியுள்ளதாகவும் மணமகனின் உறவினர்களிடம் கூறப்பட்டது. புதுமணப் பெண் ஏழு மாத கர்ப்பிணியாக இருப்பதாக மருத்துவர்கள் கூறியதும் அதிர்ச்சியடைந்தனர். இரு வீட்டாரும் சமரசம் செய்து கொண்டதால், போலீசில் புகார் செய்யப்படவில்லை.
மணப்பெண்ணின் வீட்டாருக்கு தகவல் தெரிவிக்கப்பட்டு, அவர்கள் தெலுங்கானாவில் உள்ள செகந்திராபாத்தில் இருந்து வந்து, மாமியார் மற்றும் கணவர் அவர்களை ஏற்க மறுத்ததையடுத்து, அவரையும், குழந்தையையும் அழைத்துச் சென்றனர்.
இந்த சம்பவம் குறித்து போலீசாருக்கு தகவல் கிடைத்துள்ளதாக தன்கவுர் காவல் நிலையத்தின் ஸ்டேஷன் இன்சார்ஜ் சஞ்சய் சிங் தெரிவித்தார்.
